هەموو خزمەتگوزارییە بانکییەکان لەنێو دەستەکانتە!

ئه‌پی FIB كه‌سی دابەزێنە، كلیك له‌سه‌ر ‘Sign Up’ بکە و ژمارەی تەلەفۆنەکەت بنووسە،  پاشان لە ڕێگەی کورتەنامە یان واتسئاپەوە کۆدێکی 6 ژمارەیی وەردەگریت، کە پێویستە بۆ پشتڕاستکردنەوە لە ئەپەکەدا داخڵی بكه‌ی.

دوای نووسینی ژمارەی تەلەفۆنەکەت لە ڕێگەی کورتەنامە یان واتس ئەپ-WhatsApp-ئەوە کۆدێکی 6 ژمارەییت پێدەگات. ئەم کۆدە بخەرە ناو ئەپەکەوە بۆ دڵنیابوون لەوەی ئەوە ژمارەی تەلەفۆنەکەت.

ئەگەرهاتوو، ئە ژمارەی تەلەفۆنەی نووسیوتە پەیوەندی بە هەژمارێکی ترەوە هەبێت، لەبری ئەوەی بەردەوام بیت لە پرۆسەی ڕێکخستن، ئاڕاستە دەکرێیتەوە بۆ پەڕەی سەرەتا یا چوونەژوورەوە.

ئەگەر، ئەو ژماریەیەی بە کورتە نامە-OTP-ی هاتووە بە هەڵە دابنێیت، ئاماژەیەک دەردەکەوێت، کە ڕێگەت پێدەدات داوای کۆدێکی نوێ بکەیت یان OTP -ی دروست دابنێیت.

بەڵێ، تۆ سنوورداریت لە ژمارەی کۆدەکانی پشتڕاستکردنەوەی کورتەنامە کە دەتوانیت داوای بکەیت. ئەگەر هەوڵبدەیت زیاتر لە 3 جار لە ماوەی کاتژمێرێکدا یان 6 جار لە ماوەی 2 کاتژمێردا کورتەنامەکە بنێریتەوە، بە شێوەیەکی کاتی بۆ ماوەی کاتژمێرێکی دیکە یان 24 کاتژمێری دیکە ڕێگریت لێدەکرێت لە دووبارە ناردنەوە.

لە پەڕەی دوایی بەڵگەنامە کەسیەکانت (پاسه‌پۆرت یان ناسنامە) باربکە و زانیارییە کەسییەکانت بنووسە . دڵنیابە کە زنیاریەکانی خاوەن بەڵگەنامە و خاوەن هەژمارەکە وەک یەکن. بۆ پشتڕاستکردنەوەی پاسه‌پۆرت یان ناسنامە، ڕێنماییە تایبەتەکان جێبەجێ بکە.

تکایە. ناوی تەواوی خۆت و ناوی خێزانەکەت ( کۆتای ) بە زمانەکانی: کوردی ، عەرەبی و ئینگلیزی بنووسە، دڵنیابە لەوەی ناوی کۆتاییت  زیاترە لە دوو پیت. هەروەها ڕێککەوتی لەدایکبوونت (دەبێت لە سەرووی 18 ساڵەوە بێت)، ژمارەی ناسنامەی باری کەسی، ڕەگەز، ڕێککەوتەکانی دەرچوون بەسەرچوونی بەڵگەنامەکەت بنووسە. پارێزگاری و ناوی شارەکەت هەڵبژێرە، و دڵنیابە کە هەموو زانیارییەکان لەگەڵ بەڵگەنامەکەتدا دەگونجێت

دوای پشتڕاستکردنەوەی ووشەی نهێنی- OTP، تۆ دەچیتە دوای قبووڵبوونی وشەی نهێنی- OTP، دواتر ئاراستە دەکرێیت بۆ لاپەڕەی مەرج، ڕێنمای و ڕێساکان. پێویستە ئەم مەرجانە بخوێنیتەوە و قبوڵ بکەیت بە کلیک کردن  لەسەر "من مەرج و ڕێساکان قبوڵ دەکەم"، پاشان کلیک لەسەر ‘NEXT' بکە

ئەگەر هەموو بەڵگەنامە و زانیاریەکان دروست بن، هەژمارەکەت ڕاستەوخۆ دەکرێتەوە دەکەوێتە کار. بەڵام، لە ئەگەری بوونی هەر هەڵەیەک، هەژمارەکەت کراوە دەمێنێتەوە تاوەکو لەلایەن بانکەوە پێداچوونەوەی بۆ دەکرێت. کاتێک هەموو پشتڕاستکردنەوەکان تەواو بوون و بێ هەڵە هەژمارەکەت بە فەرمی دەکەوێتە کار.